SHBA-ja dhe Kuba arritën marrëveshje për hapje të sërishme të ambasadave në Uashington dhe HavanëUashington, 1 korrik 2015 (MIA) - SHBA-ja dhe Kuba, të cilat në dhjetor e publikuan fillimin e afrimit historik, arritën marrëveshje për ripërtërirje të marrëdhënieve diplomatike dhe për hapje të sërishme të ambasadave në Uashington dhe Havanë, deklaroi dje në Uashington një përfaqësues i lartë qeveritar amerikan, njofton BTA.
Pritet që presidenti i SHBA-së Barak Obama dhe sekretari amerikan i shtetit Xhon Keri sot të japin deklaratë lidhur me këtë çështje.
"Ne zyrtarisht do të publikojmë nesër (e mërkurë) se SHBA-ja dhe Kuba kanë arritur marrëveshje për ripërtërirje të marrëdhënieve diplomatike dhe hapje të ambasadave në kryeqytetet", ka deklaruar përfaqësuesi qeveritar.
SHBA-ja dhe Kuba në dhjetor i publikuan planet për ripërtërirje të marrëdhënieve diplomatike dhe prej atëherë zhvillojnë negociata për hapje të ambasadave.
|