Vrasësi i dy gazetarëve në Virxhinia me siguri ka qenë ish i punësuar në televizionin e tyre

Uashington, 26 gusht 2015 (MIA) - Guvernatori i shtetit federal amerikan Virxhinia, Teri Makolif deklaroi se i dyshuari i vrarë i dy gazetarëve nga televizioni lokal, që u qëlluan gjatë transmetimit direkt u identifikua. 

Ai me siguri është ish i punësuar në televizion dhe policia gjurmon pas tij. I dyshuari ësht larguar me automobil nga vendi i ngjarjes. 

Kanali WDBJ7 ka bërë të ditur se gazetarja Alison Parker (24) dhe kameramani Adam Ward (27) janë vrarë gjatë një interviste, mëngjesin e sotëm.

Të shtënat janë dëgjuar gjatë transmetimit të drejtpërdrejtë.

Kundërshtuese janë informacionet për gruan e intervistuar. Sipas disa mediave ajo ka mbetur e paplagosur, ndërsa sipas disa të tjerave është plagosur.

Pak pas vrasjes një nga spikerat e televizionit, Kris Harst shkroi në Tuiter se ai dhe e vrara Alison kanë planifikuar që së shpejti të kurorëzoheshin.