Guteresh: Tërësisht jofunksional sistemi i BE-së për azilantë

Gjenevë, 27 gusht 2015 (MIA) - Sistemi i Bashkimit Evropian për azilantë është tërësisht jofunksional, deklaroi komisari i lartë për refugjatë i KB-së, Antonio Guteresh. Ai i bëri thirrje Unionit që ta koordinojë më mirë përgjigjen ndaj valës së mijëra reugjatëve të cilët ikin nga konfliktet në Lindjen e Afërt dhe nga Afrika.

Guteresh pas takimit me ministrin francez të Punëve të Brendshme, Bernar Kaznev në Gjenevë tha se përgjigja e BE-së mund të kyçë vendosjen e qendrës për regjistrim të emigrantëve në shtetet në të cilat arrijnë numër i madh i atyre njerëzve.

"Qendra të tilla do të mund të distancojnë refugjatët nga njerëzit e tjerë të cilëve nuk u nevojitet mbrojtja", deklaroi shefi i UNHCR-së, duke aluduar në emigrantët ekonomik.

"Sistemi evropian për azilantë për momentin është tërësisht disfunksional", deklaroi Guteresh duke shtuar se çdo shtet duhet ta bëjë pjesën e vet të punës.