Google grumbullon dhe ndan donacione për refugjatëtUashington, 17 shtator 2015 (MIA) - Evropa, Afrika e Veriut dhe Lindja e Afërt, janë duke u ballafaquar me një valë refugjatësh e që mund të shndërrohet në krizë të madhe humanitare, ndërsa vlerësohet se kjo krizë është kriza më serioze që nga Lufta e Dytë Botërore.
Për këtë nga "Google" kanë reaguar dhe kanë dërguar milionë euro donacione për organizatat të cilat në terren kujdesen pikërisht për emigrantët e këtyre rajoneve.
Por, përveç këtyre donacioneve, "Google" organizoi edhe grumbullimin e mjeteve nga vetë banorët, të cilat mund të paguhen në faqet e tyre. Për çdo donacion të paguar, Google nga xhepi i saj do të paguajë edhe po aq të holla edhe atë për pesë milionë eurot e para, derisa nuk mblidhen gjithsej dhjetë milionë euro donacione.
Të gjitha mjetet e paguara "Google" përmes organizatës së saj "Network for Good" do t'ua ndajë organizatave jofitimprurëse, të cilat do t'ju ndihmojnë emigrantëve dhe refugjatëve.
|