Rusia i hodhi poshtë kritikat e SHBA-së për sulmet ajrore në Siri

Moskë, 6 tetor 2015 (MIA) - Rusia ashpër i hodhi poshtë kritikat amerikane për sulmet e saj ajrore në Siri dhe e përkujtoi SHBA-në se e ka përkrahur pas sulmeve terroriste më 11 shtator të vitit 2001 në Nju-Jork dhe në Uashington.

Moska sërish e dënoi propagandën perëndimore, që sipas saj i shtrembëron qëllimet e intervenimit rus në Siri. Kremlini theksoi se qëllimi bazë i intervenimit është ta ndihmojë presidentin Bashar al Asad në luftën kundër SHI, ndërsa SHBA-ja dhe perëndimi e akuzojnë Rusinë se e përkrah Asadin dhe kryen sulme ndaj grupeve të tjera në Siri.

Zëdhënësja e Ministrisë ruse të Punëve të Jashtme Marija Zaharova sot e përkujtoi reagimin e Kremlint pas 11 shtatorit të vitit 2001, njëkohësisht duke e hedhur poshtë qëndrimin e SHBA-së për operacionin rus në Siri.

"Duam të theksojmë se në sulmet e 11 shtatorit ne e respektuam dhimbjen e SHBA-së, si dhimbjen tonë,  duke e kuptuar se çka është terrorizëm", deklaroi Zagarova, duke shtuar se Rusia e ka përkrahur SHBA-në në çdo mënyrë të mundshme, përfshirë edhe në KS-në e KB-së dhe ka ndihmuar në luftën kundër terrorizmit. Zaharova theksoi se Rusia atëherë nuk ka pyetur nëse terroristët janë të mirë apo të këqij.