Dy raketa e goditën ambasadën ruse në DamaskDamaskë, 13 tetor 2015 (MIA) - Kryengritësit sirianë sot me dy raketa e goditën ambasadën e Rusisë në Damask, derisa para ndërtesës janë mbledhur rreth 300 ithtarë të Qeverisë së presidentit Bashar al Asad, në shenjë të përkrahjes për intervenimin ushtarak rus në vend.
Ambasada e Rusisë gjendet në rajonin qendror të Damaskut.
Tani për tani nuk ka informata nëse në sulm ka të vdekur.
Ndaj ambasadës ka rënë edhe raketa e dytë, në momentin kur njerëzit e mbledhur kanë filluar të ikin.
Ndërkohë dega siriane e grupit terrorist Al Kaeda, fronti Al Nusra publikoi audio porosi të liderit të tyre, në të cilën intervenimi ushtarak rus në Siri quhet "Marshi i ri kryqëzor", i cili ka për qëllim mbetjen në pushtet të presidentit të vendit Bashar al Asad.
Golani gjithashtu u bën thirrje myslimanëve në ish Bashkimin Sovjetik, nëse forcat ruse qëllojnë me armë civilë në Siri, edhe ata të sulmojnë civilë rusë.
Ai gjithashtu tha se rusët nuk kanë pushtuar asgjë më shumë nga regjimi me sulmet dhe u kërcënua se do të pësojnë humbje në prag të Damaskut.
|