Të paktën katër të vrarë, 12 të plagosur në shpërthimin e dy bombave në EgjiptKajro, 24 nëntor 2015 (MIA) - Të paktën katër persona kanë humbur jetën, ndërsa 12 janë plagosur në shpërthimin e dy bombave në afërsi të një hoteli në qytetin egjiptian Al-Arish, më i madhi në Gadishullin e Sinait, në të cilin kanë qenë të akomoduar gjykatës pjesëmarrës në procesin zgjedhor të vendit, informuan burime të sigurisë dhe burime mjekësore.
Tash për tash askush nuk e ka ndërmarrë përgjegjësinë për sulmin, transmetojnë mediat britanike.
Në shpërthimet ka humbur jetën një polic, ndërsa dy gjyqtarë janë plagosur.
Televizioni shtetëror dhe burimet e sigurisë kanë theksuar se fillimisht ka shpërthyer një auto-bombë, ndërsa dhjetë minuta më vonë në rajonin e njëjtë ka jehuar edhe shpërthimi i dytë.
Një kamikaz ka tentuar që me auto-bombë të futet në hotel para se forcat e sigurisë të hapin zjarr mbi të, pas së cilës automjeti ka shpërthyer.
|