Dhjetë viktima nga kolera në kampin më të madh të refugjatëve në botë në Kenia

Najrobi, 9 janar 2016 (MIA) - Të paktën dhjetë somalezë kanë vdekur nga kolera, ndërsa mijëra janë sëmurë në kampin e refugjatëve në Dadaab, në Kenian Verilindore, që është kampi më i madh i refugjatëve në botë, transmetuan mediat franceze.

Epidemia në kamp ka filluar në nëntor. Në kamp janë vendosur 350.000 persona, deklaroi një përfaqësues i Komesariatit të lartë të KB-së për refugjatë.

Sëmundja është përhapur për shkak të shirave të rrëmbyeshëm, të cilat ranë në Kenia gjatë javëve të fundit.

"Më e rëndësishme është higjiena", tha përfaqësuesi i KB-së. Ai thotë se kampi rregullisht pastrohet me klor dhe refugjatëve u ndahet sapun. 

Kolera është infeksion i fuqishëm dhe përhapet përmes ujit të ndotur. Pas periudhës së inkubacionit, i cili zgjat dy deri në pesë ditë, ajo shkakton diare të fuqishme dhe dehidrim dhe gjatë mungesës së mjekimit pason vdekja për disa orë, nënvizojnë mediet franceze.