Në SHBA fillon votimi për nominimet presidencialeUashington,1 shkurt 2016 (MIA) - Kandidatët potencialë për president të SHBA-së, pas pothuajse një viti debatesh dhe fushatash të ndërsjellta, sot do të dalin para elektoratit në shtetin federal Ajova, ku do të mbahen zgjedhjet e para partiake.
Miliarderi Donald Tramp, i cili nga vera ka epërsi të bindshme në garën për nominim republikan presidencial edhe më tej është favorit në shkallë kombëtare, por në Ajova epërisa e tij është më e vogël.
Një situatë të ngjashme ka edhe tek demokratët. Ish-senatorja, sekretarja shtetërore dhe dama e parë Hilari Klinton tani për tani ka epërsi të bindshme në shkallë kombëtare, por në Ajova është vetëm disa për qind para majtistit, Berni Sanders.
|