KB: Nga fillimi i intervenimit në Alepo janë shpërnguluar 51.000 persona

Gjenevë, 11 shkurt 2016 (MIA) - Rreth 51.000 persona janë shpërngulur nga fillimi i ofensivës më të re të forcave siriane dhe aviacionit rus në rajonin e Alepos, njoftuan Kombet e Bashkuara.

"Pasi që javën e kaluar filloi ofensiva më e re e forcave qeveritare të Alepos, e cila sipas raporteve është përcjellur me sulme ajrore të aeroplanëve rusë dhe sirianë, janë shpërngulur rreth 51.000 civilë, ndërsa edhe 300.000 rrezikojnë të jenë nën rrethim", njoftoi komisari i lartë i KB-së për të drejta të jeriut Zeid Rad al Husein.

Ndërkohë Ministria ruse e Mbrojtjes sot e akuzoi SHBA-në për bombardim të qytetit sirian Alepo, pasi që dje Pentagoni njoftoi se në sulmet ajrore të forcave ruse janë shkatërruar dy spitale. Moska ashpër i përgënjeshtronte pohimet amerikane, ndërsa për kthim e akuzoi SHBA-në për dërgim të aeroplanëve në Alepo.

"Pak para orës 14:00 sipas kohës në Moskë, dy aeroplanë ushtarak amerikanë A-10 ndërhyrën në hapësirën ajrore siriane nga territori turk", njoftoi zëdhënësi i Ministrisë së Mbrojtjes Igor Konashenkov. "Pasi që mbërritën deri në Alepo përmes rrugës më të drejtëpërdrejtë, aeroplanët amerikanë filluan sulme të caqeve në qytet", shtoi ai.