Tërmet i fortë e goditit Indoenzinë

Xhakartë, 12 shkurt 2016 (MIA) - Një tërmet me intensitet prej 6,5 ballësh sipas shkallës së Rihterit është regjistruar në Oqeanin Paqësor në bregdetin lindor indonezian , por nuk është dhënë paralajmërim për cunami, njoftoi Instituti Gjeofizik i SHBA-së.

Tërmeti është regjistruar në orën 17:20 sipas orës lokale (në 10:02 sipas Griniçit). Epiqendra  ka qenë në tre kilometra nga qyteti Andekantor, në një thellësi prej 30 kilometrash në detin Savu në Oqeanin Paqësor.

Tani për tani nuk ka të dhëna për viktima eventuale apo për dëme të shkaktuara materiale.

Sipas informacioneve në qendrën e investigimeve të Tokës , tërmeti ka qenë me intensitet prej 6,2 ballësh, ndërsa epiqendra e tij ka qenë në thellësi prej dhjetë kilometrash në afërsi të ishullit Sumba.