Pakistan: Katër veta kanë humbur jetën nga tërmetiIslamabad, 11 prill 2016 (MIA) - Së paku katër persona kanë humbur jetën dje në tërmetin me intensitet prej 6.6 ballësh sipas shkallës së Rihterit që e goditi Pakistanin Veriperëndimor, në afërsi të kufirit me Afganistanin, lajmëron TASS.
Dy persona humbën jetën si rezultat i rrëshqitjes së dheut në vendkalimin Karakar në provincën Hajber-Puhtunhva, ndërsa dy të tjerë gjatë rrëzimit të gardhit me gurë në rrethin Çersada në të njëjtën provincë.
Enti gjeologjik amerikan kumtoi se epiqendra e tërmetit gjendej në afërsi të qytetit Çitral në Pakistan, në thellësi prej 210 kilometrave nën sipërfaqen e tokës.
Tronditjet janë ndjerë në Islamabad dhe në Kabul, por edhe në Nju-Delhi të Indisë, ku banorët në panik kanë dalë në rrugë.
|