Abe do të takohet me Obamën para samitit të G-7Tokio, 25 maj 2016 (MIA) - Kryeministri japonez Shinxo Abe do të ketë sot takime të ndara me presidentin amerikan Barak Obama dhe me kryeministrin britanik Dejvid Kameron para samitit të G-7, kumtoi një përfaqësues i Ministrisë japoneze për punë të jashtme.
Mes temave për të cilat do të bisedojnë Obama dhe Abe do të jetë parandalimi i veprave kriminale nga persona nga bazat ushtarake amerikane pas arrestimit javën e kaluar të një nëpunësi amerikan në lidhje me vrasjen e një japonezeje.
Takimi i dy liderëve do të fillojë rrreth orës 21 sipas orës lokale në një hotel në qytetin Shima, ku më 26 dhe 27 maj do të mbahet samiti i G-7, njofton TASS.
|