Në aeroplanin e "Ixhipt Er" ka pasur tym, sipas të dhënave të kutisë së zezëKajro, 30 qershor 2016 (MIA) - Të dhënat e njërës nga kutitë e zeza të aeroplanit të kompanisë "Ixhipt Er" kanë treguar se në fluturaken janë aktivizuar alarmet për tym, kumtoi sot komiteti hetues egjiptian.
Ky konstatim përputhet edhe me të dhënat, të cilat i ka vërejtur sistemi automatik për incizim të të dhënave për fluturimin ACARS, i cili gjithashtu ka regjistruar prani të tymit në aeroplan në momentin e rënies.
Aeroplani i "Exhipt Er" u rrëzua në maj dhe me atë rast humbën jetën 66 pasagjerë dhe anëtarë të ekuipazhit. Kutitë e zeza paradokohe janë tërhequr nga Mesdheu edhe pasi janë dëmtuar, janë dërguar për rregullim në Francë.
Rregullimi i kutisë së zezë të dytë, përkatësisht pajisjet për incizim të bisedave dhe komunikimeve në kabinë, ende është në vijim.
|