Asanzh: Do të publikoj dokumenta që do t'i ndryshojnë zgjedhjet në SHBAUashington, 25 gusht 2016 (MIA) - Themeluesi i Vikiliksit Xhulijan Asanzh sot paralajmëroi se në fushatën e vet të "zbulimit të sekreteve" do të publikojë dokumente të tjera që kanë të bëjnë me kandidatеn demokratikе për zgjedhjet presidenciale në SHBA, Hilari Klinton, dhe të cilat mund të jenë " me ndikim kyç" në rezultatet e zgjedhjeve.
Në televizionin Foks, Asanzh, i cili jeton në Ambasadën e Ekuatorit në Londër prej vitit 2012, deklaroi se Vikiliks ka hulumtuar mijëra faqe të materialit.
"Një numër i madh i dokumenteve janë nga institucione të ndryshme, që janë të lidhura me fushatën zgjedhore dhe janë shumë interesante, ndërsa disa janë edhe argëtuese", theksoi Asanzh.
Ai shtoi se dokumentet "me siguri do të publikohen para zgjedhjeve të përcaktuara për më 8 nëntor".
|