SHBA-ja e brengosur nga kontrolli i jashtëzakonshëm i gatishmërisë luftarake të armatës ruseUashington, 26 gusht 2016 (MIA) - SHBA-ja shpreh shqetësim nga kontrolli i papritur i gatishmërisë luftarake të forcave të armatosura ruse, transmetuan mediat ruse, duke e cituar kumtesën e Pentagonit.
"E pamë kumtesën e ushtrisë ruse për atë se fillon stërvitje ushtarake të paparalajmëruara. Presim Rusia t'i respektojë të gjitha obligimet dhe premtimet në korniza të marrëveshjeve të lidhura për kontroll të armatimit dhe masave për besim, dhe vendeve fqinje t'u sigurojë garanci adekuate dhe transparencë në raport të madhësisë dhe karakterit të këtyre aktiviteteve", deklaroi zëdhënësja e Ministrisë amerikane të Mbrojtjes Mishell Baldanca.
Sipas saj, "kontrollet e paparalajmëruara të gatishmërisë luftarake në Rusi shpesh herë bëhen para stërvitjeve ushtarake masive, ndërsa në lidhje me trajnimin e planifikuar "Kaukaz-2016" ne me kujdes e ndjekim situatën".
Zëdhënësja gjithashtu shfaqi "brengë të thellë" për dhunën e rritur në Ukrainën Lindore dhe "afërsinë e forcave të armatosura ruse me Ukrainën, me shikim të pjesëmarrjes direkte të Rusisë në konfliktin në Donbas", shënojnë mediat ruse.
Përveç asaj, shtoi ajo, "e dimë gjithashtu se Rusia stërvitjet ushtarake i shfrytëzon për mbulim të transferimit të armëve në Ukrainë", tha Baldanxa.
|