Qeveria e Jemenit në egzil u pajtua me iniciativën paqësore të Xhon Kerit

Riad, 29 gusht 2016 (MIA) - Qeveria e Jemenit në egzil u pajtua me inciativën paqësore të sekretarit amerikan të shtetit Xhon Keri për ripërtëritjen e negociatave paqësore me kryengritësit husë për formimin e Qeverisë së unitetit kombëtar.

"Këshilli i ministrave u takua në Riad dhe u pajtuan me idenë e takimit në Xheda", kumtoi agjencia shtetërore e lajmeve Saba.

Keri javën e kaluar e ripërtëriti iniciativën pas takimit në Arabinë Saudite kushtuar Jemenit, ku morën pjesë ministrat e Punëve të Jashtme nga Gjiri Persik dhe përfaqësues të Forin ofis. Iniciativa parasheh pjesëmarrjen e kryengritësve shiitë në Qeverinë e unitetit kombëtar në këmbim të tërheqjes nga Sana dhe nga territoret e pushtuara në Jemenin Verior, si dhe dorëzimin e armëve.

Kryengritësit kërkojnë formimin e Qeverisë së unitetit si hap të parë. Ata në takimin e mbrëmshëm të Këshillit Suprem, të formuar kohë më parë në Sana, biseduan për iniciativën.