Jemen: Numri i viktimave në luftë u rrit në 10.000 Sana, 30 gusht 2016 (MIA) - Numri i viktimave në luftën e deritanishme 18-të mujore civile në Jemen arriti rreth 10.000 persona, deklaroi sot koordinatori për çështje humanitare të KB-së Xhejmi Makgoldrik.
Deri tani përfaqësuesit zyrtar dhe organizatat humanitare në Jemen theksonin se ka mbi 6.000 viktima.
Makgoldrik në konferencën e sotme për shtyp në Sanë theksoi se të dhënat e reja bazohen në informacionet zyrtare të marra nga institucionet shëndetësore në Jemen.
Ai shtoi se numri i viktimave mund të jetë edhe më i madh, sepse një rajon nuk ka institucione shëndetësore dhe njerëzit atje në shumë raste vetë i varrosin të afërmit e vdekur.
|