Uashington, 23 shtator 2016 (MIA) - Përfaqësues të shquar të Partisë Demokratike, anëtarë të komisioneve për Inteligjencë në Senat dhe Dhomën përfaqësuese të SHBA-së, e akuzuan mbrëmë Rusinë se mundohet përmes sulmeve të hakerëve të ndikojë ndaj rezultateve të zgjedhjeve presidenciale amerikane, që do të mbahen më 8 nëntor.
Në deklaratë të përbashkët senatori Dajan Fejnstin dhe kongresmeni Adam Shif i bënë thirrje presidentit rus Vlladimir Putin të urdhërojë ndërprerje të kiber sulmeve.
"Në bazë të informatës të cilën e kemi, konkluduam se shërbimet e inteligjencës ruse bëjnë përpjekje serioze të ndikojnë ndaj zgjedhjeve në SHBA", thuhet në deklaratën e përbashkët.
Paraprakisht, disa përfaqësues të Administratës së presidentit amerikan Barak Obama deklaruan se, sipas tyre, Rusia ose persona të lidhur me të, janë përgjegjës për sulmet të hakerëve ndaj organeve të partive politike në SHBA, por Shtëpia e Bardhë deri tani zyrtarisht nuk e akuzoi Moskën për vepra të tilla.