Dy ushtarë afganë i vranë 13 kolegë të tyre dhe u arratisën nga baza në KunduzKabul, 27 shtator 2016 (MIA) - Gjatë natës së kaluar në provincën veriore afgane Kunduz janë vrarë 13 ushtarë afganë edhe atë derisa kanë qenë në gjumë, pasi paraprakisht dy kolegë të tyre i kanë helmuar, transmeton DPA.
Një pjesëtar i shërbimeve të sigurisë deklaroi se dy sulmuesit, pasi i kanë vrarë kolegët e tyre, janë arratisur nga baza e vogël në periferi të Kunduzit.
Ministria afgane e Mbrojtjes ka filluar hetimin.
"Dërguam një ekip në rajon që t'i përcaktojë faktet", deklaroi gjeneral Daulat Vazir, zëdhënës i ministrisë.
Përgjegjësinë për sulmin e ndërmorën talebanët, por deklaruan se baza është sulmuar nga luftëtarët e tyre, të cilët i kanë vjedhur të gjitha armët prej saj.
Një këshilltar i guvernatorit të provincës për DPA-në deklaroi se dy ushtarët kanë qenë të lidhur me talebanët.
Ministria e Mbrojtjes, megjithatë, akoma nuk e konfirmoi lidhjen e tyre me grupin e kryengritësve, shton DPA.
|