FMN-ja paralajmëron se afrohet një cikël i rrezikshëmUashington, 28 shtator 2016 (MIA) - FMN-ja paralajmëroi se bankat qendrore gjithkundi në botë kanë probleme në luftën me forcat deflatore dhe se Qeveritë duhet të ndihmojnë që të kenë sukses në këtë.
Në vlerësimin më të ri të kushteve ekonomike globale, FMN-ja thekson se shumë vende në botë luftojnë me deflacionin për shkak të rritjes së ulët të ekonomisë globale.
Siç theksohet në raport, presionet deflatore në disa vende kanë karakter eksteren në formë të uljes së çmimeve si të prodhimeve të papërpunuar ashtu edhe të atyre të përpunuara.
"Inflacioni i ulët e hulumton aftësinë e bankave qendrore që ta shfrytëzojnë politikën monetare për nxitjen e kërkesave, pasi me siguri shkallët e interesit tashmë janë shumë të ulta, gjë që u jep shumë pak hapësirë për zvogëlimin e mëtejshëm të interesave", vlerëson Fondi.
Ky ishte rasti edhe me Drejtorinë amerikane për rezerva federale, Banka Qendrore Evropiane dhe Banka Qendrore e Japonisë, ku gjatë dy viteve të fundit e ulën shkallën e interesit në territor negativ, konkludon FMN-ja.
"Deflacioni kokëfortë në fund mund të sjellë deri në cikle deflatore, siç ishte rasti në Japoni, ku kërkesa e dobët dhe deflacioni u nxitën nga njëra-tjera, dhe ku gjithçka përfundon me rritjen e huas dhe rrezikimin e aktiviteteve ekonomike dhe hapjen e vendeve të reja të punës", thekson FMN-ja.
|