Të paktën 60 të vrarë dhe mbi 120 të lënduar gjatë një sulmi mbi qendrën e policisë për trajnim në PakistanIslamabad, 25 tetor 2016 (MIA) - Të paktën 60 persona janë vrarë, ndërsa mbi 120 janë lënduar në një sulm ndaj shkollës policore pranë qytetit Kueta, kryeqytet i provincës Beluxhistan në Veriperëndim të Pakistanit, kumtoi një përfaqësues i poliicës lokale, transmeton DPA.
Mes të lënduarve ka mjekë dhe pjesëtarë të forcave të sigurisë.
Ministri i Punëve të Brendshme i provincës Beluxhistan, Sarfarat Bugti mëngjesin e sotëm tha se operacioni për pastrim të shkollës policore nga sulmuesit ka përfunduar.
Sulmi është kryer nga tre sulumes-vetëvrasës të armatosur, delaroi Bugti. Sulmuesit, të cilët kanë pasur të veshur jelekë me eksploziv janë të vdekur.
"Dy nga sulmuesit-vetëvrasës e kanë hedhur veten në erë, duke shkaktuar viktima, ndërsa i treti është vrarë nga ushtarët tanë", tha gjeneral-majori Sher Afgan në kumtesën e publikuar në gazetën "Don".
Sipas tij, pas sulmit qëndron grupi terrorist sunit pakistanez "Lashkar e Xhangvi al Almi".
Sulmuesit kanë marrë 250 persona për pengje, të cilët pas pastrimit të qendrës janë liruar, shtoi Afgan.
Shkolla e njëjtë policore, në të cilën shkollohen mbi 700 kursistë, është sulmuar në vitin 2006 dhe në 2008.
|