Një polic ka humbur jetën, dy janë lënduar gjatë protestave në VenezuelëKarakas, 26 tetor 2016 (MIA) - Një polic ka humbur jetën, ndërsa dy janë lënduar dje në tentativën që të shpërndahen protestuesit e opozitës në shtetin federal të Venezuelës, Miranda, deklaroi ministri i Punëve të Brendshme, Nestor Reverol.
"Forcat për ruajtjen e rendit u pëpoqën që t'i dëbojnë protestuesit, por nga ana e tyre është hapur zjarr dhe për fat të keq ka humbur jetën një polic", tha Reverol.
Një polic është plagosur nga plumbi, ndërsa një tjetër nga goditja e një sendi të fortë.
Në disa qytete të Venezuelës dje kishte protesta masive të kundërshtarëve dhe të ithtarëve të Qeverisë.
Sipas të dhënave të organizatës joqeveritare "Foro penal" në demonstratat e opozitës janë plagosur mbi 20 persona, ndërsa të paktën 14 janë arrestuar.
|