Komandot franceze penguan sulm terrorist ndaj forumit ndërkombëtar në MaliMoskë, 16 janar 2017 (MIA) - Komandot franceze në Mali arrestuan terroristë të dyshimtë, të cilët kanë përgatitur sulm ndaj pjesëmarrësve në takimin e 27-të në nivel të lartë "Afrikë-Francë" në Bamako, transmeton TASS. "Në Bamako u pengua një sulm terrorist. Njësitet speciale franceze në pjesën veriore të vendit kanë arrestuar atentatorë vetëvrasës, të cilët e kanë përgatitur sulmin", deklaroi një burim nga shërbimet për siguri të një shteti të paemëruar perëndimor. Informacioni u konfirmua nga një përfaqësues i forcave të sigurimit në Mali, i cili potencoi rolin e Francës në ruajtjen e sigurisë së forumit. Nuk saktësohet numri i ekstremistëve të arrestuar. Takimi "Afrikë-Francë", u mbajt më 13-14 janar në kryeqytetin e Malit. Në të morën pjesë rreth 30 liderë afrikanë, si dhe presidenti francez Fransoa Oland.
|