Uashington, 15 shkurt 2017 (MIA) - Presidenti amerikan, Donald Tramp sot porositi se do të punojë në arritjen e paqes midis Izraelit dhe palestinezëve, por theksoi se arritja e marrëveshjes përfundimtare varet prej të dyja palëve.
Tramp në konferencën e përbashkët për shtyp me kryeministrin izraelit, Benjamin Netanjahu, gjithashtu, premtoi se Iranit asnjëherë nuk do t'i lejohet të prodhojë armë bërthamore.
Ai apeloi deri tek Netanjahu "të ndalojë pak" me ndërtimin e lagjeve në territoret e okupuara dhe shtoi se izraelitët duhet të tregojnë fleksibilitet në bisedimet me palestinezët.
Nga ana tjetër, sipas tij, palestinezët duhet të lirohen nga "urrejtja që e mësojnë që në vegjëli".
Siç shtoi, nisma e re palestinezo-izraelite mund të përfshijë edhe shtete të tjera.