Shteti Islamik shkatërron një xhami në MosulBagdad, 22 qershor 2017 (MIA) - Pjesëtarë të grupit Shteti Islamik (SHI) hedhën në erë xhaminë e madhe Al-Nuri në Mosul, njoftoi armata irakiane. Xhamia është ndërtuar në vitin 1172. Minarja e saj është njohur si Al-Hadba, ose “gungë” , pasi ka anuar kah njëra ana, si Kulla e Pizës në Itali. Udhëheqësi i Shtetit Islamik, Abu Bakr al-Bagdadi, është shfaqur në xhaminë Grand al-Nuri në korrik të vitit 2014, për të shpallur formimin e “kalifatit islamik”. Shteti Islamik, përmes ueb-faqes së tij Amak, tha se xhamia është shkatërruar nga një sulm ajror i Shteteve të Bashkuara. Por, një zëdhënës i koalicionit që lufton grupin ekstremist në Irak, tha se në zonën ku ndodhet xhamia, nuk ka pasur sulme ajrore. Mosuli ka rënë nën kontrollin e Shtetit Islamik qysh në vitin 2014 dhe forcat irakiane janë duke luftuar për rikthimin e tij.
|