Deri në vitin 2050 në botë do të ketë 130 milionë njerëz të sëmurë nga demenca

Londër, 20 korrik 2017 (MIA) - Deri në vitin 2050 më shumë se 130 milionë njerëz në botë do të jetojnë me demencë. Një prej çdo tre rasteve mund të parandalohet nëse njerëzit në masë të madhe kujdesen për shëndetin e trurit, thuhet në hulumtimin e publikuar në revistën mjekësore Lanset.
Mes faktorëve kyç për rrezik nga paraqitja e demencës janë mungesa e arsimit, humbja e dëgjimit, pirja e duhanit dhe mosaktiviteti fizik, është theksuar në analizë.
Vlerësimet janë se 47 milionë njerëz në botë kanë demencë. Hulumtimi është prezantuar në konferencën e shoqatës ndërkombëtare Alchajmer në Londër.
Hulumtimi është bërë prej 24 ekspertëve botëror të cilët theksojnë se mënyra e jetës së njeriut mund të ketë rol të madh në rritjen dhe uljen e rrezikut nga paraqitja e demencës.