Sidnei. Për shkak të erës së fuqishme janë anuluar ose shtyrë dhjetëra fluturimeSidnei, 18 gusht 2017 (MIA) - Puna e aeroportit në Sidnei është çrregulluar për shkak të motit me erë ndaj bregut lindor të Australisë, në rajonin e qytetit më të madh australian. Zëdhënësi i aeroportit deklaroi se vetëm një prej tre pistave mund të shfrytëzohet, lajmëroi TASS.
Në orët e hershme të mëngjesit, rreth 60 fluturime janë anuluar ose shtyrë, kryesisht në linjat vendore.
Sipas shërbimit meteorologjik australian, shpejtësia e erës në jug të Sidneit, ku gjindet aeroporti, arrin 90km/h. Moti do të mbetet i tillë deri në fund të ditës.
|