Në vërshimet në Sierra Leone e kanë humbur jetën 400 njerëzGjenevë, 18 gusht 2017 (MIA) - Më shumë se 400 njerëz e kanë humbur jetën, ndërsa 600 llogariten të zhdukur në vërshimet në Sierra Leone, kumtoi sot Kryqi i Kuq.
"Sot numërojmë më shumë se 400 të vdekur", deklaroi në Gjenevë, kryetari i shoqatës së Federatës ndërkombëtare të Kryqit të Kuq dhe Gjysmëhënës së kuqe, Elhaxh Al Si.
Deri më tani janë gjetur 409 trupa të pajetë, ndërsa popullata edhe më tej po kërkon pas të zhdukurve dhe druan nga rrëshqitja e re e dheut.
Autoritetet i paralajmëruan njerëzit që të evakuohen nga pjesa malore, ku është paraqitur një plasaritje e madhe.
Sipas meteorologëve edhe në ditët në vijim pritet reshje shiu.
|