Maduro shpalli fletarrest ndërkombëtar pas ish prokurores shtetërore Luiza Ortega Karakas, 23 gusht 2017 (MIA) - Presidenti i Venezuelës, Nikolas Maduro deklaroi se është shpallur fletarrest ndërkombëtar për arrestimin e ish prokurores shtetërore të Venezuelës, Luiza Ortega Diaz, e cila javën e kaluar iku nga vendi. Maduro, pushteti i të cilit i ngjan diktaturës majtiste, i akuzon Ortegan dhe bashkëshortin e saj se kanë qenë të "involvuar në krime të rënda". Të dy kanë ikur me aeroplan privat nga Karakas, së pari në ishullin Aruba, rreth bregut venezuelas, e pastaj në Kolumbi. Në deklaratën e dhënë pas shpalljes së fletarrestit, Ortega i hedh poshtë akuzat e Maduros dhe pohon se ato janë "politikisht të motivuara". Prokurorja Ortega tani është kundërshtarja më e rrezikshme e pushtetit të presidentit Maduro, edhe pse ajo paraprakisht ishte aleat i tij.
|