SHBA-ja u bëri thirrje Irakut dhe kurdëve të mos lejojnë eskalim të tensioneve në Kirkuk

Uashington, 16 tetor 2017 (MIA) - Pentagoni i bëri thirrje Irakut dhe kurdëve irakianë "që të evitojnë aktivitete eksaluese" dhe të fillojë dialog për zgjidhjen e mosmarrëveshjeve të tyre.
"Ne e kundërshtojmë dhunën në secilin vend dhe u bëjmë thirrje që të mos nisen drejt aktiviteteve destabilizuese të cilët do t'i kthejnë nga aksionet kundër Shtetit Islamik dhe edhe më shumë do ta minojnë stabilitetin në Irak", deklaroi zëdhënësja e Pentagonit Lora Sil.
Deklarata e saj është përgjigje ndaj informatave të televizionit shtetëror irakian se armata e Irakut ka vendosur kontroll mbi pjesë të Kirkukut, pa rezistencë në anën e forcave kurde "peshmerga".
"Ne vazhdojmë ta mbështesim Irakun e vetëm. Dialogu mbetet opsioni më i mirë për shkatërrimin e tensioneve dhe për zgjidhjen e mosmarrëveshjeve në pajtueshmëri me Kushtetutën irakiane", tha Sil.
Zëdhënësja e Pentagonit u bëri thirrje të gjithë lojtarëve në rajon që të fokusohen në kanosjen e përbashkët - Shteti Islamik.