Të paktën gjashtë policë e humbën jetën gjatë një sulmi vetëvrasës me bombë në PakistanIslamabad, 18 tetor 2017 (MIA) - Një vetëvrasës me bombë taleban ka kryer sulm ndaj një automjeti policor në pjesën jugperëndimore të Pakistanit, me ç'rast jetën e humbën gjashtë oficerë, ndërsa u lënduan të paktën 22 persona, njoftuan përfaqësues zyrtarë. "Sulmi ka ndodhur në qytetin Kveta, kryeqyteti i provincës Balloçistan, i cili kufizohet me Afganistanin dhe Iranin. Midis të lënduarve ka edhe civilë", deklaroi përfaqësuesi policor Kurshid Kan. Nga spitali në Kveta njoftuan se policët e lënduar janë hospitalizuar, por disa prej tyre ndodhen në gjendje kritike. Talebanët pakistanezë e morën përgjegjësinë për sulmin përmes postës elektronike dërguar mediave. "Muxhahedinët të tanë e bënë këtë", ka theksuar zëdhënësi taleban Mohamed Horasani.
|