Një gjykatës i Havait e bllokoi dekretin antimysliman të Trampit Honolulu, 18 tetor 2017 (MIA) - Gjykatësi federal amerikan i Havait e bllokoi versionin më të ri të ndalesës për hyrje në vend, vetëm disa orë para se të hyjë në fuqi masa e presidentit amerikan, Donald Tramp. Gjykatësi i qarkut Derek Votson e refuzoi kërkesën nga shtetit Havai, përkohësisht ta bllokojë qeverinë në Uashington nga zbatimi i masës ndalesë. Sipas ndryshimeve të reja të dekretit të Trampit, janë prekur qytetarët e Çadit, Iranit, Libisë, Koresë Veriore, Somalisë, Sirisë dhe Jemenit, si dhe disa përfaqësues qeveritar nga Venezuela dhe anëtarë të familjeve të tyre. Në Havai e kundërshtojnë vendimin dhe pohojnë se ky është vazhdim i premtimit të Donald Trampit se "do t'i përjashtojë myslimanët nga SHBA-ja". Ndalesën e shqyrtojnë edhe gjykatat në shtetet e tjera, siç është Merilend, ku grupet për mbrojtjen e lirive të qytetarëve bëjnë thirrje për heqjen e kufizimit për dhënien e vizave për udhëtim.
|