Në aksionin kundër korrupsionit në Izrael janë arrestuar bashkëpunëtorë të Netanjahut

Tel-Aviv, 18 shkurt 2018 (MIA) - Policia izraelite sot ka arrestuar anëtarë të udhëheqësisë së kompanisë së telekomunikimeve "Bezek", në mesin e të cilëve edhe dy bashkëpunëtorë "shumë të afërt" të kryeministrit të Izraelit, Benjamin Netanjahu.
Në kumtesën e policisë theksohet se në aksionin kundër korrupsionit janë arrestuar "një numër i caktuar i udhëheqësve të lartë" të kompanisë "Bezek".

Arrestimi i udhëheqësve të "Bezek"-ut pason më pak se një javë pasi policia izraelite propozoi të ngritet akuzë kundër Netanjahut për dy raste për mitmarrje.
Netanjahu i hodhi poshtë akuzat e tilla si të pabaza dhe i refuzoi kërkesat e opozitës të japë dorëheqje.

Ai theksoi se Qeveria e tij mbetet e qëndrueshme dhe se do të vazhdojë të udhëheqë me vendin deri në fund të mandatit të tij.

Lidhur me këto dyshime në fillim të vitit 2017 Netanjahu disa herë ishte marrë në pyetje nga policia.