Stoltenberg: NATO nuk e shikon Rusisë si kanosje për anëtaret e sajUashington, 21 shkurt 2018 (MIA) - NATO nuk e shikon Rusinë si kanosje për cilëndo qoftë anëtare të Aleancës, thotë në intervistë për "Forin polisi" sekretari i përgjithshëm i NATO-s Jens Stoltenberg. "Nuk shohim kurrfarë kanosje nga Rusia ndaj cilësdo qoftë anëtare të NATO-s dhe për këtë arsye jam shumë i kujdesshëm sa i përket problemeve të spekulimeve për situata hipotetike. Atë që mund ta them është se nëse ndodh diçka e ngjashme në Krime ose Ukrainë, do të reagojë gjithë Aleanca, për shkak se NATO-ja është këtu që t'i mbrojë aleatët e saj nga çfarëdo lloj kanosje", thotë Stoltenberg, duke u përgjigjur në pyetjen se çka do të bëjë NATO nëse Rusia "ia bën Baltikut atë që e bëri në Ukrainë". Ai thotë se prezenca e NATO-s ka për qëllim që të pengojë, e jo të fillojë konflikt. Sipas tij, NATO do të synojë drejt bashkëpunimit me Rusinë në rajonin e Arktikut. "Shohim tension të rritur në Veri, por duhet të vazhdojmë drejt qetësimit të tensionit dhe bashkëpunimit, të cilën me dekada po e zhvillojmë me Rusinë. Madje edhe gjatë Luftës së Ftohtë ishim dëshmitarë të bashkëpunimit midis anëtareve të NATO-s dhe Bashkimit Sovjetik. Duhet të jemi të pranishëm, por në mënyrë mbrojtëse proporcionale", thotë Stoltenberg në intervistë.
|