Kryeministri kinez premtoi hapje më të madhe të ekonomisë kombëtarePekin, 20 mars 2018 (MIA) - Kina, edhe më shumë do ta zgjerojë ekonominë e saj kombëtare, paralajmëroi sot kryeministri kinez, Li Keçijang. Ai precizoi se industria kombëtare do të hapet tërësisht për konkurrencën e huaj, me mbrojte më të mirë të pronësisë intelektuale. "Kina asnjëherë nuk do të synojë drejt ekspansionit dhe hegjemonizimit në botë", theksoi Li në konferencën për shtyp me rastin e fundit të sesionit vjetor të Parlamentit kinez. Sa i përket paralajmërimeve për rritjen e taksave doganore gjatë importimit në SHBA, Li potencoi se Pekini nuk dëshiron luftë tregtare me Uashingtonin. Ai thotë se Kina do të ndërmarrë masa për arritjen e lidhjeve tregtare më të balancuara me SHBA-në. "Pekini nuk dëshiron deficit të madh amerikano-kinez", tha Li, duke shtuar se Kina shpreson se SHBA-ja do t'i pezullojë kufizimet eksportuese të Kinës dhe për teknologji të lartë. Li, gjithashtu, paralajmëroi se Kina do të vazhdojë ta reduktojë bashkëveprimin midis borxhit dhe BPV-së dhe shtoi se vendi është i aftë t'i parashikojë rreziqet financiare. "Bazat e ekonomisë kineze janë të shëndosha, ndërsa sistemi financiar është stabil", konstatoi Li.
|