Matis: Rasti Skripal tregon se Rusia zgjodhi të jetë kundërshtare Uashington, 21 mars 2018 (MIA) - Rasti me helmimin e ish spiunit rus Sergej Skripal në Britaninë e Madhe tregon se Rusia "ka zgjedhur të jetë kundërshtar strategjik", deklaroi mbrëmë ministri amerikan i Mbrojtjes Xhim Matis. "Ne gjithmonë kemi dashur të bashkëpunojmë me Rusinë kur ka qenë me rëndësi", deklaroi Matis në konferencën për media. "Për fat të keq ata në fund vendosën të jenë kundërshtarë strategjik, nëse gjykohet sipas asaj që ndodhi në Britaninë e Madhe dhe atë që e shohim në Ukrainë dhe Krime", shtoi shefi i Pentagonit pas takimit me homologun norvegjez Frank Bake-Jensen. Matis theksoi se SHBA-ja është e hapur për bashkëpunim dhe dëshiron paqe dhe stabilitet, por njëkohësisht i mbron institucionet e saj dhe anëtaret e NATO-s.
|