Në bregun australian dolën 150 balenaSidnej , 23 mars 2018 (MIA) - Rreth 150 balena dolën në plazhin Hamilin Bej në Australi, 300 kilometra në jug të Pertit. Balenat, mëngjesin e hershëm sipas kohës lokale, i ka vërejtur një peshkatar dhe menjëherë i ka thirrë ekipet për shpëtim.
Sektori për parqe dhe faunë të egër në shtetin e Australisë Veriore lajmëroi se të punësuarit e tyre po bëjnë përpjekje që të shpëtojnë 15 balena, të cilat ende nuk kanë ngordhur. Në të njëjtën kohë, ata e paralajmëruan popullatën lokale se balenat që kanë dalë në plazh mund të tërheqin ajkulla, për të cilin shkak edhe gjiri është i mbyllur për opinion. "Shumë balena kanë dalë në breg gjatë natës. Nuk mbijetuan", deklaroi Xheremi Çik nga Reparti për parqe dhe faunë të egër. Ai sqaroi se kolegët e tyre në një periudhë të caktuar kanë pritur forca shtesë dhe mjete përkatëse që t'i shpëtojnë gjitarët e mbijetuar. "Era dhe shiu eventual do ta përcaktojnë momentin dhe vendin në të cilin do të përpiqemi t'i kthejmë në det, por është shumë e rëndësishme edhe forca dhe durimi i vetë kafshëve", thotë Çik. Balenat oqeanike (Globicephala macrorhznchus), më të mëdha në familjen e delfinëve (Delphinindae) pas balenave - vrasëse, jetojnë në viset tropikale dhe ujërave subtropikale dhe shpesh notojnë në grupe, dhe kur dalin nga uji, atë e bëjnë në mënyrë masive. Shkaqet se pse ato dalin nga uji ende nuk dihen, edhe pse ekzistojnë shumë teori në atë temë.
|