Tërmet në Indonezi: Dy viktima, dëme të mëdha materialeXhakartë, 19 prill 2018 (MIA) - Dy persona e kanë humbur jetën dhe të paktën 21 janë lënduar në tërmetin që e goditi provincën indoneziane Java Qendrore. Janë rrënuar të paktën 300 objekte, midis të cilave shtëpi, shkolla dhe xhami. Mbi 2.000 persona kanë qenë të detyruar të evakuohen në qendra të posaçme, deklaroi Sutopo Purvo Nugroho, zëdhënës i Drejtorisë për ballafaqim me fatkeqësi natyrore. Rreth 200 ushtarë dhe ekipe të shpëtimit punojnë në rajonin e goditur. "Ujë i pastër dhe ushqim nevojiten menjëherë", theksoi Sutopo. Tërmeti, me intensitet prej 4,5 ballësh sipas shkallës së Rihterit, është regjistruar në rrethinën e qytetit Banxharnegara, në ishullin më të dendur Java.
|