Zarif: Bisedimet e BE-së dhe Iranit për programin bërthamor janë në rrugën e duhurBruksel, 15 maj 2018 (MIA) - Bisedimet e Iranit me vendet evropiane për shpëtim të marrëveshjes bërthamore edhe krahas tërheqjes së SHBA-së nga ajo, janë në rrugën e duhur, deklaroi ministri iranian i Punëve të Jashtme, Mohamad Xhavad Zarif pas takimit të sotëm në Bruksel me shefen e diplomacisë evropiane, Federika Mogerini. Ai theksoi se takimi ishte i mirë dhe konstruktiv, ndërsa punët lëvizin në drejtimin e duhur. "Çfarëdo që të jetë zgjidhja, ajo duhet t'i respektojë dhe garantojë të drejtat e Iranit. Bisedimet tona me treshen evropiane (Gjermania, Franca dhe Britania e Madhe) do të vazhdojnë në dy javët e ardhshme", deklaroi Zarif në Bruksel. Ndërkohë, presidenti iranian Hasan Rohani kërkoi nga BE-ja që të kundërshtojë veprimet "jolegale dhe jologjike" të SHBA-së dhe shtoi se pas tërheqjes së Uashingtonit nga marrëveshja, Teherani mund të mbetet aty vetëm nëse kjo i sjellë dobi.
|