Edhe Paraguai e zhvendosi Ambasadën e saj në Izrael në JerusalemJerusalem, 21 maj 2018 (MIA) - Paraguai sot e zhvendosi Ambasadën e saj në Izrael nga Tel Avivi në Jerusalem, me ç'rast u bë vendi i tretë i cili e ndërmerr këtë hap pas SHBA-së dhe Guatemalas. Në ceremoninë e hapjes së Ambasadës së Paraguait në Jerusalem ndër të tjera, morën pjesë edhe presidenti i Paraguait, Orasio Kartes dhe kryeministri i Izraelit, Benjamin Netanjahu. SHBA-ja të hënën e kaluar e zhvendosi Ambasadën e saj në Jerusalem, ndërsa pas saj, të njëjtën e bëri edhe Guatemala. Zhvendosja e Ambasadës amerikane shkaktoi protesta masive të palestinezëve në kufirin midis Rripit të Gazës dhe Izraelit. Në përleshjet midis protestuesve dhe forcave izraelite gjatë protestave e humbën jetën pothuajse 60 persona, ndërsa rreth 2.700 mbetën të lënduar.
|