Damask: Nuk shqyrtojmë tërheqje të forcave iraniane në SiriDamask, 23 maj 2018 (MIA) - Çështja për tërheqjen e forcave iraniane nga Siria, aspak nuk "është lëndë në shqyrtim", deklaroi sot zëvendësministri sirian i Punëve të Jashtme, Fajsal Mekdad. Deklarata e Mekdad paraqet reagim të kërkesës së SHBA-së për tërheqjen e pjesëtarëve të Armatës iraniane dhe të luftëtarëve të lëvizjes proiraniane shiite libaneze Hezbollah nga Siria. "Tërheqja e forcave iraniane ose të Hezbollahut nga Siria nuk është lëndë në shqyrtim. Kjo çështje nuk është në agjendën e bisedimeve, sepse ka të bëjë me sovranitetin e Sirisë", theksoi Mekdad. Kërkesa e SHBA-së deri tek Irani për tërheqjen e ushtarëve të saj nga Siria është në kuadër të pakos, zbatimin e të cilit Uashingtoni e kërkon nga Teherani, me qëllim që të shmanget vendosja e sanksioneve më të rrepta ekonomike. Mekdad theksoi se Damasku planifikon ta kthejë kontrollin ndaj "çdo pëllëmbe të vendit", duke shtuar se pas shuarjes së enklavave kryengritëse rreth kryeqytetit "cak i ardhshëm do të mund të jetë veriu ose jugu" i Sirisë. "Ky është vendimi ynë dhe vendimi i miqve tanë. Pasi ndaluam në rrugën e kërcënimit të drejtpërdrejtë nga terroristët pas Damasku, tani dera hapet drejt veriut ose jugut", shtoi Mekdad.
|