Përfundoi takimi Tramp - Kim, vazhdon në format të zgjeruarSingapor, 12 qershor 2018 (MIA) - Takimi mes presidentit amerikan Donald Tramp dhe lidertit koreanoverior Kim Xhong Un përfundoi. Tramp e cilësoi takimin si "shumë, shumë të mirë". Ai tha se do të ketë "marrëdhënie të shkëlqyera" me liderin koreanoverior. "Do të zgjidhim problem shumë të madh, dilemë të madhe", deklaroi Tramp, transmetuan mediat amerikane. Takimi ka zgjatur 48 minuta. Ata u nisën në takim, ku do t'u bashkangjiten përfaqësues të dy delegacioneve. Në delegacionin amerikan është sekretari shtetëror Majk Pompeo, këshilltari i Trampit për siguri kombëtare, Xhon Bolton dhe shefi i Kabinetit të Shtëpisë së Bardhë, Xhon Keli. Koreja e Veriut do të përfaqësohet nga ministri i Punëve të Jashtme dhe nga drejtori i sektorit për Amerikën Veriore në MPJ. Takimi do të përqëndrohet në ndërprerjen e programit bërthamor koreanoverior në këmbim për heqje të sanksioneve ndaj Phenianit. Tramp ka marrë vendim të largohet nga Singapori sot, në vend se nesër siç u planifikua, njoftuan mediat amerikane, duke iu referuar burimeve të afërta të presidentit amerikan. Vendimi i tillë është marrë pasi lideri koreanoverior Kim Xhon Un ka caktuar që samiti i tij me Trampin të përfundojë sot. Tramp ka dashur të qëndrojë më shumë nëse në bisedat ka përparim, por pasi Kim definitivisht e ka planifikuar largimin e tij, edhe Trampi e ka bërë të njëjtën.
|