Kim i ka shkruar Putinit se dëshiron kontakte të mira Phenian, 19 qershor 2018 (MIA) - Lideri koreanoverior Kim Xhong-un i ka dërguar letër presidentit rus Vladimir Putin në të cilën ka theksuar se dëshiron të mbajë kontakte të nivelit të lartë me Rusinë, kumtoi sot këshilltari për politikë të jashtme i presidentit rus Jurij Ushakov. Ai tha edhe se tani për tani nuk është bërë marrëveshje për vizitë të mundur të liderit koreanoverior në Moskë. Zëdhënësi i Kremlinit Dimitrij Peskov paraprakisht këtë muaj deklaroi se Rusia e ka ftuar liderin koreanoverior ta vizitojë Rusinë dhe se kjo mund të ndodhë gjatë forumit ekonomik në Vlladivostok në shtator. Ministri rus i Punëve të Jashtme Sergej Lavrov muajin e kaluar e vizitoi Korenë Veriore.
|