Stoltenberg me paralajmërim për NATO: Lidhjet midis aleatëve janë nën presionLondër, 19 qershor 2018 (MIA) - Sekretari i përgjithshëm i NATO-s Jens Stoltenberg sot iu bëri thirrje 29 vendeve anëtare të Aleancës ta lënë anash konfliktin tregtar i cili përkeqësohet si dhe çështjen për klimën dhe marrëveshjen bërthamore me Iranin. Ai është i shqetësuar që ato tensione mund të dëmtojnë aleancën ushtarake. Stoltenberg këtë e thekson në tekstin autorial në Gardian. "Lidhjet që na mbajnë së bashku janë nën presion...Duhet të vazhdojmë të punojmë në dallimet tona - dhe atje ku dallimet mbeten duhet të kufizojmë çfarëdo ndikimi negativ i bashkëpunimit tonë të sigurisë", tha Stoltenberg. Porosia e tij është dërguar më pak se një muaj para takimit të presidentit të SHBA-së me kolegët nga NATO në samitin e Brukselit.
|