Dy të vdekur gjatë festimeve në Francë pas fitores së Kampionatit Botëror Paris, 16 korrik 2018 (MIA) - Dy tifozë të Francës e humbën jetën dje gjatë festimit të titullit kampion bote kundër Kroacisë.
Në qytetin Anesi, një tifoz vendosi që ta festojë titullin me hedhjen në një kanal, që për fat të keq, tentativa e tij për tu zhytur përfundoi në mënyrë fatale.
Ai e ka thyer qafën dhe ndërroi jetë në vendin e ngjarjes.
Në të njëjtën kohë, në Sent-Feliks, një tifoz tjetër francez e ka përplasur automjetin e tij në një pemë dhe e ka humbur jetën.
Më shumë se 1 milion njerëz e festuan titullin kampion bote në Paris, madje edhe ka pasur trazira, ku policisë i është dashur të përdorë gaz lotsjellës.
|