Tërmet prej 5,1 ballëve në Japoni Tokio, 11 gusht 2018 (MIA) - Një tërmet me intensitet prej 5,1 ballëve sipas Shkallës së Rihterit është regjistruar herët në mëngjes në afërsi të bregut verilindor në ishullin më të madh japonez, Honshu.
Nuk ka informacione për viktima ose dëme të shkaktuara materiale, ndërsa nuk është shpallur as rrezik për paraqitje të mundshme të cunamit.
Siç kumtoi Shërbimi nacional meteorologjik japonez, tërmeti ka ndodhur në thellësi prej 20 kilometrave nën fundin e Oqeanit të Qetë, me epiqendër në afërsi të bregut të prefekturës Fukushima.
Përveç në rajonin e Fukushimas, tërmeti është ndjerë edhe në disa prefektura fqinje.
|