Pensilvania goditet nga përmbytjetUashington, 14 gusht 2018 (MIA) - Shiu i rrëmbyeshëm i cili gjatë natës ka rënë në Pensilvaninë qendrore dhe lindore i mbylli rrugët dhe përmbyti shtëpi.
Një numër i madh i rrugëve nga Uillijamsport deri në periferinë e Filadelfisë janë mbyllur. Për shkak të përmbytjeve qytetarët janë evakuuar me gomone.
Në shpëtimin dhe evakuimin ndihmojnë edhe helikopterë, duke u ndihmuar njerëzve të ngujuar në çatitë e shtëpive të tyre.
Shërbimi meteorologjik i SHBA-së dha paralajmërim për përmbytje të reja dhe i paralajmëroi qytetarët të mos drejtojnë automjetin nëpër rajonet e përmbytura.
|