Senati amerikan e miratoi rezolutën: Mediat nuk janë armike të popullitUashington, 17 gusht 2018 (MIA) - Senati amerikan njëzëri e miratoi rezolutën, e propozuar nga senatori i Partisë Demokratike, Brajan Shulc, në të cilën theksohet se "mediat nuk janë armike të popullit". Shulc gjatë dorëzimit të propozimit iu referua ish-presidentët amerikan Tomas Xheferson, Xhejms Medison dhe Ronald Regan, se mediat e lira janë "pjesë integrale e bazës së SHBA-së". Në rezolutë dënohet sulmi ndaj mediave si "sulm ndaj institucioneve demokratike të SHBA-së". Rezoluta i referohet amendamentit të parë i cili i mbron mediat nga kontrolli i Qeverisë dhe nga presionet. Presidenti amerikan Donald Tramp dje përsëri i kritikonte mediat pasi disa gazeta amerikane në koordinim i dënuan sulmet e tij ndaj gazetarëve, të cilët i akuzon se po përhapin lajme të rreme. "Nuk e ekziston asgjë më shumë që do të doja për shtetin tonë se sa liria e vërtetë e mediave. Është fakt se mediat janë të lira të shkruajnë gjithçka që duan, por pjesa më e madhe e tyre janë lajme të rreme, agjendë politike ose vetëm përpjekje e zakonshme që të dëmtohen njerëzit. Nderi fiton", shkroi Tramp në Tuiter. Në iniciativë të gazetës "Boston Glloub", 350 gazeta në SHBA dje në editorialet e tyre i dënuan dhe dërguan sulme ndaj Trampit për lajme të rreme duke e theksuar rëndësinë e mediave të lira dhe të fuqishme. Tramp rregullisht i quan mediat "armiq të popullit" dhe "lajme të rreme", ndërsa para dy javëve tha se gazetarët "me qëllim shkaktojnë ndarje të mëdha dhe mosbesim" dhe se "mund të shkaktojnë luftë".
|