Të paktën pesë persona humbën jetën gjatë tërmeteve të reja afër ishullit indonezian Lombok

Xhakartë, 20 gusht 2018 (MIA) - Të paktën pesë persona dje e kanë humbur jetën gjatë tërmeteve të reja afër ishullit indonezian Lombok, informuan autoritetet lokale.
Ata kumtuan edhe për ndërtesa të shumta të rrënuara dhe skena paniku.
Dy persona e humbën jetën në Lombok, ndërsa tre në ishullin fqinj Sumbava.
Tërmet me intensitet prej 6,3 ballësh u regjistrua dje në mëngjes në lindje të Lombokut, ndërsa gjatë mbrëmjes edhe një më i fuqishëm me intensitet prej 6,9. Nuk ka paralajmërim për cunami.
Rreth 500 persona e humbën jetën, ndërsa disa mijëra u lënduan, gjatë serisë së tërmeteve afër Lombokut në fund të muajit të kaluar dhe fillim të këtij muaji.
Sipas të dhënave fillestare, dëmi material vlerësohet në 348 milionë dollarë.